Днём 20 траўня на скрыжаванні вуліц Сурганава і Леаніда Бяды ў Менску, каля ГЦ «Рыга», сутыкнуліся аўтамабіль хуткай дапамогі і легкавы аўтамабіль «Suzuki».
Ад удару машына хуткай дапамогі перакулілася, паведамляе УДАІ ГУУС Мінгарвыканкаму.
Паводле папярэдняй інфармацыі, хуткая дапамога ехала з уключанай сірэнай і праязджала скрыжаванне на «чырвонае». У выніку аварыі ў легкавога аўто разбіта ўся пярэдняя частка.
Фельчара хуткай дапамогі даставілі ў лякарню для агляду.
Ці перавозіла «хуткая» у гэты момант пацыента – не паведамляецца.
Алена Рувіна belsat.eu
#Беларусь
Comments
No comments yet. Be the first to react!