Cometa NEOWISE

fonte: https://blog.xmgz.eu/cometa-neowise/

Cometa C/2020 F3, NEOWISE, visto por primeira vez en Marzo de 2020, converteuse en Xullo nun dos de maior luminosidade, prácticamente visible a ollo nu en lugares sen contaminación lumínica.

O seu paso foi visible desde o hemisferio norte primeiro antes do amencer e posteriormente, desde mediados de mes, tras o solpor.

Agardei un par de días para facerlle unhas fotos a partir das once da noite, mirando ó N-NW.

imaxe do día 15 de xullo

f4, 10s, ISO1600, 45mm (equiv.35mm), jpg directo da cámara.

En tamaño reducido case non se nota, pero 10 segundos é unha exposición demasiado longa e aparece o movemento das estrelas e o cometa.

imaxe do día 15 de xullo

f4, 10s, ISO1600, 83mm (equiv.35mm), jpg directo da cámara.

imaxe do día 1 de xullo

f6.5, 8s, ISO800, 83mm (equiv.35mm)

Ó día seguinte probei cun ISO máis pequeno e era un pouco máis cedo (máis luz) para intentar evitar un pouco do ruído das imaxes anteriores. Aínda que o ceo non estaba tan laranxa, esta imaxe tamén está retocada externamente (niveis), para aumentar o contraste oscurecendo o ceo.

Apréciase claramente cómo o cometa ó día seguinte está un pouco máis ó oeste e un pouco máis alto sobre o horizonte, tendo en conta a posición das estrelas (e tamén da silueta dos pinos). Tamén se ve que a súa luminosidade é menor.